نيوز ويك عربي الخبر من مصدره 
newswekarabi
شيماء محمد
خلاص القلب إتكلم
ورِمْش عيونها بينادي عليك يا ليلْ
ودَمعِة عِينها بتقاسي بُعاد ورحيلْ
ونا الحاكم ونا المحكوم
ونا بحَلِف عَليها تصوم
لكن قلبي يبات من وجعه نَبضُه عَليل
انا عارف طريقي إزاي
وشايف مـ الهوا قلبي بيعزِف ناي
لدقاتُه تهِيم وتعوم
فـ ريْح ساكن علىَ التبّه
وشُوق صاحي بـ عين شَابه
فـ ليل قاسي
وهي ساكنه فـ بعادي
وقُربي لهجرها ينادي
وليل أسمر برمش كحيل
ونورها فـ السما صافي
بينده لي
أعود موعود
ونا واخد لقلبي وعود
علىَ نَظرْه
من العين اللي شايفْه بعيد
من العين اللي أسراني
وسيباني فـ حُبي وحيد
يا قلبي تعالى من روحها
وفوتها
دا الهوا جروحها
وحرر م الحنين نبضك
وبيِّن
قسوتك .. مقتك
لكن علىَ مين
دي هي اللي بِتِكويني
وروحها تهيم فـ تَكويني
وعارفة ضعفي وحنيني
وراية رفعتها تاني
وبستسلم
وكل جروحي سمعاني
وبتألم
وايه اعمل
طالما القلب إتكلم
خلاص القلب إتكلم
شيماء
